İranın Rusiyadakı səfiri Kazım Cəlali xarici işlər naziri Məhəmməd Cavad Zərifin səs yazısının yayılması fonunda Rusiya Xarici İşlər Nazirliyində (XİN) olub.

APA-nın Moskva müxbirinin xəbərinə görə, səfir jurnalistlərə açıqlamasında səs yazısı məsələsinin müzakirə olunmadığını bildirib.

Rusiya XİN-in yaydığı məlumatda İran səfirinin nazir müavini Andrey Rudenko ilə görüşdüyü, Mərkəzi Asiya və Cənubi Qafqaz regionu daxil olmaqla regional gündəmdə olan aktual məsələlər barədə fikir mübadiləsi aparıldığı vurğulanıb.