ABŞ dövlət katibi Entoni Blinkenlə Rusiya xarici işlər naziri Sergey Lavrov arasında görüş Hindistanda keçirilən G20 nazirlərinin toplantısı çərçivəsində 8 dəqiqə davam edib və Moskva ilə bundan sonra belə təmaslar gözlənilmir.

Trend xəbər verir ki, bunu ABŞ Dövlət Departamentinin mətbuat katibi Ned Prays bildirib.

"Bu, səkkiz dəqiqəlik, kifayət qədər qısa bir təmas idi. ABŞ belə qısa ünsiyyətin Rusiyanın yaxın gələcəkdə və ya indiki mövqeyini dəyişdirə biləcəyi ilə bağlı heç bir illüziyaya sahib deyil", - deyə N.Prays bildirib.
Jurnalistlərin Rusiya ilə gələcək təmasların mümkün olub-olmaması ilə bağlı sualına cavabında N.Prays bildirib ki, "ABŞ yaxın gələcəkdə hər hansı yüksək səviyyəli təmas gözləmir".

Eyni zamanda o əlavə edib ki, Vaşinqton “həmişə dialoqa açıqdır”.