Gürcüstan parlamenti spiker Arçil Talakvadzenin istefasını qəbul edib.

APA-nın yerli bürosunun xəbərinə görə, hakim “Gürcü Arzusu” partiyası bu vəzifəyə vitse-spiker Kaxa Kuçavanın namizədliyini irəli sürüb.

Hazırda parlamentdə müzakirələr davam etdirilir, gün ərzində yeni spikerin təyin edilməsi üçün səsvermə keçiriləcək.

Plenar iclasda boykotu dayandıran müxalif deputatlarla birlikdə 107 deputat qeydiyyatdan keçib.