Afrika qitəsi ölkələrində koronavirusa yoluxanların sayı 6 535 914 nəfərə çatıb, 166 215 nəfər bu virusa yoluxma nəticəsində həyatını itirib. 5,7 milyondan çox insan isə müalicə olunaraq sağalıb.

Bu barədə Ümumdünya Səhiyyə Təşkilatının (ÜST) regional nümayəndəliyi məlumat yayıb.

Qitədə virusa yoluxmuş və ölənlərin əksəriyyəti Cənubi Afrika Respublikasında (CAR) qeydə alınıb – müvafiq olaraq 2 391 223 və 70 388 nəfər. Tunisdə 19 027 ölüm, 578 962 yoluxma faktı qeydə alınıb. Misirdə isə bu rəqəmlər 16 498 və 284 090 nəfərdir.

Böyük Səhranın cənubunda yerləşən Afrika ölkələrində virusa yoluxmuş və ölənlərin sayına görə CAR-ın ardınca Efiopiya (278 920 və 4374), Keniya (198 935 və 3882) və Nigeriya (171 728 və 2134) gəlir.