Kabildən beynəlxalq uçuşları bərpa etmək üçün çalışırıq, lakin bəzi çətinliklər var. Beynəlxalq standartlara görə hava limanında və təyyarədə təhlükəsizlik standartlarına riayət olunmasından məsul bir təşkilat olmalıdır. Hazırda belə bir təşkilat axtarırıq, amma axtarış hələ nəticə verməyib.

"Xalq Cəbhəsi" xəbər verir ki, bunu "Taliban" ın nümayəndəsi Zəbihulla Mücahid TASS-a verdiyi müsahibəsində deyib.

Onun sözlərinə görə, "Taliban" Rusiya daxil olmaqla Kabil hava limanından beynəlxalq uçuşları bərpa etməyi planlaşdırır: "Bütün ölkələrlə əlaqələr qurmağa çalışırıq. Hər şeydən əvvəl, diplomatik münasibətlərdən bəhs edirik, onsuz gələcək əməkdaşlıq sadəcə mümkün deyil. Rusiya ilə əsasən hökumətimizin tanınması və səfirliklərin açılması ilə bağlı danışıqlar aparırıq. Bu məsələlərin həlli gələcək əməkdaşlığa zəmin yaradacaq".

Cavid