Amerika hərbçiləri İrana qarşı növbəti zərbələr seriyasını başa çatdırıb, hücum zamanı 90 hədəf atəşə tutulub.

Xalqcebhesi.az xəbər verir ki, bu barədə ABŞ Silahlı Qüvvələrinin Mərkəzi Komandanlığı (CENTCOM) məlumat yayıb.

"CENTCOM qüvvələri İranın Hörmüz boğazında kommersiya gəmilərinə və günahsız mülki dənizçilərə hücum etmək imkanlarını daha da zəiflətmək məqsədilə İrana qarşı əlavə zərbələr raundunu başa çatdırıb. ABŞ qüvvələri İranın təxminən 90 hərbi hədəfinə zərbələr endirib", — deyə CENTCOM-un "X" sosial şəbəkəsindəki paylaşımında bildirilir.

Komandanlıq hücuma məruz qalan hədəflər arasında hava hücumundan müdafiə (HHM) sistemlərini, sahilyanı müşahidə sistemlərini, raket və pilotsuz uçuş aparatlarının (PUA) saxlanc yerlərini, həmçinin hərbi logistika infrastruktur obyektlərini qeyd edib.

Məryəm Quliyeva