Yeni Zelandiya hökuməti koronavirus pandemiyasının ölkə iqtisadiyyatına mənfi təsirini azaltmaq üçün 30,2 milyard dollar əlavə vəsait ayıracaq.
Bunu Yeni Zelandiyanın baş naziri Casinda Ardern parlamentdə çıxışı zamanı deyib.
Nazir bildirib ki, bu məqsədlə yaradılacaq xüsusi fond iş yerlərinin yaradılmasına qoyulacaq iri investisiyaları və bir sıra peşələr üzrə pulsuz təlimləri, 8 min sosial mənzilin tikintisini və məktəblərdə pulsuz qida proqramının genişlənməsini təmin edəcək.
C.Ardern əlavə edib ki, rəsmi proqnozlara əsasən bu layihə 140 minə yaxın iş yerinin qorunub saxlanmasına kömək edəcək və növbəti iki il ərzində məşğulluğun artımını təmin edəcək.