Tural

İyulun 15-də Bakı Biznes Mərkəzində İqtisadiyyat və Sənaye Nazirliyinin dəstəyi, Azərbaycanda İxracın və İnvestisiyaların Təşviqi Fondunun (AZPROMO) təşkilatçılığı və Rusiya Federasiyasının Tomsk vilayətinin iş adamlarının iştirakı ilə Azərbaycan-Rusiya biznes forumu keçiriləcək. Hazirliyin məlumatına görə, tədbirdə hər iki tərəfdən rəsmi şəxslərlə yanaşı, kimya sənayesi avadanlığı, elektroenergetika, sənaye, İKT və digər sahələrdə fəaliyyət göstərən 60-dan çox iş adamının iştirakı nəzərdə tutulur. Biznes forum çərçivəsində Azərbaycan və Rusiya Federasiyasının Tomsk vilayətinin iqtisadiyyatına, biznes və investisiya imkanlarına dair təqdimatlar keçiriləcək, iş adamları arasında ikitərəfli görüşlər təşkil olunacaq, şirkətlər arasında əməkdaşlığa dair sənəd imzalanacaq.