ABŞ artıq öz tələblərini digər dövlətlərə diktə etmək iqtidarında deyil və bunu bütün dünyada başa düşürlər.

Xalqcebhesi.az xəbər verir ki, bu barədə İran Müdafiə Nazirliyinin rəsmi nümayəndəsi general Rza Talai-nik bəyanat verib.

"Amerika artıq müstəqil dövlətlərə öz siyasətini diktə edəcək mövqedə deyil", — deyə Tasnim agentliyi onun sözlərindən sitat gətirir. Talai-nikin qeyd etdiyi kimi, bu, "İran xalqının və silahlı qüvvələrinin mətanəti sayəsində bütün dünyaya bəlli olub".

Müdafiə qurumunun nümayəndəsi vurğulayıb ki, ABŞ öz qanunsuz və qeyri-ağlabatan tələblərindən əl çəkməli olduğunu mütləq anlayacaq. O, həmçinin Birləşmiş Ştatları və İsraili "dövlət terrorizminin rəmzləri" adlandırıb.

Məryəm Quliyeva