İranın Xuzistan vilayətində 9 nəfər edam edilib. APA-nın verdiyi məlumata görə, məhbuslar narkotik maddələrin qaçaqmalçılığında günahlandırılaraq dara çəkilib. Onların ad və soyadlarının baş hərfləri qeyd olunub.
Qərar İran Ali Məhkəməsi tərəfindən təsdiqləndikdən sonra mayın 12-də səhər saatlarında Əhvaz şəhərinin mərkəzi həbsxanası olan Karunda icra edilib.
Qeyd edək ki, İran həyata keçirdiyi edamların sayına görə dünyada Çindən sonra ikinci yerdədir. Belə ki, ötən il bu ölkədə 654 nəfər dara çəkilib. Bu isə İranda adambaşına düşən edam sayının 24 faiz artdığını göstərir.