"Analoji konfransların təşkili əsas ideyamız olan müstəqilliyə doğru irəliləmək yolunda mühüm addımdır".

APA xəbər verir ki, bunu Bakı Təşəbbüs Qrupunun təşkilatçılığı ilə Fransa və Niderlandın müstəmləkəçiliyi altında olan Sen Martin adasına həsr olunmuş beynəlxalq konfransda adanın Parlament üzvü Franklin Meyers deyib.

"Müstəqil olmaq istər Fransa, istərsə də Niderlandın müstəmləkəçiliyindən xilas olmaq bizim xalqların ən müstəsna hüququdur. Biz də məhz bu hüququn dünya miqyasında tanınması üçün buradayıq. Hesab edirik ki, analoji konfransların təşkili əsas ideyamız olan müstəqilliyə doğru irəliləmək yolunda son dərəcə mühüm addımdır. Biz Bakı Təşəbbüs Qrupuna bu istiqamətdə göstərdiyi dəstəyə görə təşəkkür edirik".