"Enerji şəbəkəsinə yenidən zərbələr; elektrik kəsintiləri. Afərin sizə, ey mənəviyyatsızlar! Siz öz qaniçəninizə əsl bayram bəxş etdiniz. Bəs sonra nə olacaq? Bu, cəbhədəki fəlakətin qarşısını alacaqmı? Xeyr. Yanacaq böhranını həll edəcəkmi? Xeyr. Uğradığınız trilyonluq itkilərin əvəzini çıxaracaqmı? Xeyr. İqtisadiyyatınızı və o qoca, əxlaqsız məxluqların rejimini xilas edəcəkmi? Xeyr".

Bunu xalqcebhesi.az-a ukraynalı politoloq Valentin Hayday Rusiyanın Kiyevə hücumu və nəticədə şəhərin iflic vəziyyətə düşməsi ilə bağlı deyib.

"Təxminən bir il əvvəl "Amma heç olmasa" xoxolların" işığı və istiliyi yoxdur!" başlıqlı bir yazı paylaşmışdım. Həmin yazıda konkret faktlarla Rusiyanın üzləşdiyi böhranı və çıxılmaz vəziyyəti, həmçinin özləri fəlakət astanasında olduqları və Rusiya faktiki olaraq məhv olmaq üzrə qaldığı halda, həmin mənəviyyatsızların bizim işıqsız qalmağımıza necə sevindiklərini təsvir etmişdim. Ötən müddət ərzində problemlər daha da artdı – Maduro rejiminin çöküşündən tutmuş taun epidemiyasına qədər; buna baxmayaraq, yazıq və mənəviyyatsız Rusiya bizim enerji infrastrukturumuza yenidən zərbə endirməkdən daha "parlaq" bir fikir tapa bilmədi! Əsl dahilər! Bir az da vaxt keçsin, mütləq Mala Tokmaçkanı ələ keçirəcəklər – sonra isə növbə Berlin və Londona çatacaq!" - o, vurğulayıb.

Hayday deyib ki, amma onlar bir neçə vacib məqamı unutdular: bu, iki tərəfin oynaya biləcəyi bir oyundur – biz bunu əvvəllər də oynamışıq və indi daha sərt şəkildə oynayacağıq:

"Odur ki, Bryansk, Kursk, Belqorod, Oryol, Voronej, Rostov və hətta Moskva sakinləri – yaxşı olar ki, hazırlaşasınız! Siz bilməyəcəksiniz ki, hansı növbəyə durasınız: benzin, enerji bankı, su, dərman, yoxsa çörək növbəsinə. Bundan əlavə, ukraynalılar tədricən elektrik kəsintilərinə uyğunlaşıblar, proqnozlar isə mülayim qış vəd edir. Hər halda, biz möhkəm dayanacağıq. Sizin "psevdo-imperiyanız"ın ömrünə cəmi bir neçə ay qalıb".

Cavid