Lukaşenko narahatdır: Qonşu ölkələr güclənir... Dünya

Lukaşenko narahatdır: Qonşu ölkələr güclənir...

Belarusun hər iki tərəfində hərbi qüvvələr güclənməkdədir. Rusiyanın Qərbin əsas təhlükəsi kimi təqdim edilməsi Şimali Atlantika Alyansının əsas siyasətinə çevrilib.
Bu sözləri Belarusun Prezidenti Aleksandr Lukaşenko Təhlükəsizlik Şurasının iclasında söyləyib.
Lukaşenko qonşu Avropa ölkələrində NATO qoşunlarının artdığını, hərbi fəallığın yüksəldiyini, həmçinin, Rusiyanın aktiv olaraq döyüş vasitələrini inkişaf etdirdiyini qeyd edib.
“Belarus ordusu heç vaxt heç kimi təhdid etməyib, etmir və etməyəcək də. Ordumuz müharibəyə yol verməmək üçün bir vasitədir, lakin bizə qarşı təcavüz olarsa, ordu nəinki onu dəf etməyə, həmçinin, düşmənə dağıdıcı zərbə endirməyə da qadir olmalıdır”, - deyə Lukaşenko bildirib.